ڤانداكيف بيتأكد الطلب
- لما تبعت الطلب من الموقع، بيوصلنا كطلب بانتظار التأكيد. هذا مش حجز نهائي.
- بنتواصل معك عبر واتساب خلال الساعات القريبة لنأكد الطلب واليوم والساعة ومكان الاستلام أو التوصيل.
- إذا اليوم اللي اخترته ما بيزبط معنا، بنقترح عليك يوم ثاني، وإنت بتقرر.
الأسعار والدفع
- الأسعار بالشيكل، وهي السعر الظاهر وقت ما تبعت الطلب.
- الاستلام مجاني. رسوم التوصيل بتظهر حسب المنطقة قبل ما تبعت. إذا اخترت «منطقة أخرى»، بنتفق معك على الرسوم قبل التأكيد.
- الدفع كاش عند الاستلام أو التوصيل.
الاستلام والتوصيل
- الساعة بالضبط بنتفق عليها معك عبر واتساب.
- إذا ما قدرت تكون موجود بالموعد، احكيلنا بأقرب وقت حتى نرتب موعد ثاني.
- الكوكيز أطيب بنفس اليوم أو اليوم اللي بعده. نصيحة: سخّنها 10 ثواني بالميكروويف بدون العلبة.
تعديل أو إلغاء الطلب
- بتقدر تعدّل أو تلغي مجاناً قبل ما نأكد الطلب معك.
- بعد التأكيد وبدء التحضير، الإلغاء بيكون بالتنسيق معنا، لأنه المنتجات طازجة وبتنحضّر خصيصاً إلك.
- إذا اضطرينا نلغي من طرفنا، بنبلغك فوراً وما بتدفع إشي.
المكونات والحساسية
العجينة
زبدة، بيض، سكر بني، سكر أبيض، طحين قمح، فانيلا، بيكنج باودر وبيكنج صودا.
الحشوات والإضافات
- دارك بلجيكي: عجينة شوكولاتة غامقة، صوص دارك بلجيكي، ورشّة شوكولاتة.
- لوتس: زبدة لوتس وبسكوت لوتس.
- كندر: حشوة زبدة كندر وأصابع كندر للتزيين.
- دبي: زبدة الفستق، كنافة محمّصة، حبات شوكولاتة وفستق حلبي مقطّع.
- كلاسيك: شوكولاتة بلجيكية وشوكولاتة شيبس للتزيين.
- البايتس: نفس العجينة مع شوكولاتة شيبس.
مسببات الحساسية
- كل الكوكيز والبايتس فيها قمح (جلوتين)، حليب (زبدة) وبيض.
- كوكيز دبي فيها فستق حلبي وزبدة فستق.
- لوتس وكندر والشوكولاتة منتجات جاهزة، وممكن تحتوي صويا، وكندر ممكن يحتوي بندق.
- كل شي بينحضّر بنفس المطبخ، فممكن يوصل أثر فستق أو مكسرات لأي بوكس.
إذا عندك حساسية، احكيلنا قبل الطلب وبنحكيلك بصراحة إذا في خطر.
إذا في مشكلة بالطلب
إذا وصلك إشي مش مزبوط، ابعتلنا صورة بنفس اليوم، وبنلاقي حل يرضيك.
الحساب والطلب كضيف
بتقدر تطلب بدون حساب. الحساب عبر Google اختياري، وبيحفظلك طلباتك وبياناتك للمرة الجاية. تفاصيل المعلومات موجودة في سياسة الخصوصية.
تواصل معنا
لأي سؤال ابعتلنا على إنستغرام ڤاندا.